حذف الحساب

لعبة جكارو · آخر تحديث ٢٢ أغسطس ٢٠٢٦

تبي تمسح حسابك وكل شي فيه؟ راسلنا من الإيميل اللي تحت وبنمسحه. ما فيه نماذج ولا دوّارة.

شلون تسوي

1. راسلنا على support@jackaroo.site وحط بالعنوان: حذف حسابي.
2. اكتب لنا اسمك داخل اللعبة، وراسلنا من نفس التلفون اللي تلعب عليه إذا تقدر — هذا يخلّينا نوصل لحسابك أسرع.
3. بنتأكد إن الطلب من صاحب الحساب نفسه، بعدين نمسح ونرد عليك نأكد لك إنه انمسح.

شنو اللي ينمسح

• رصيدك من الكوينز — كله، حتى اللي اشتريته.
• كروتك — كرت المايك، كرت الاسم، كرت الصورة، كرت اللانهاية، وأي شي مفتوح لك.
• نتايج لعباتك — عدد اللي لعبته واللي فزت فيه.
• رقم جهازك العشوائي — اللي نعرف فيه مقعدك ورصيدك. يروح، وما يبقى عندنا شي يربطك بالحساب.

والاسم والصورة اللي اخترتهم محفوظين على تلفونك نفسه — يروحون أول ما تمسح التطبيق من جهازك.

الحذف نهائي

أول ما ينمسح الحساب، ما نقدر نرجّعه. الكوينز والكروت والنتايج تروح ولا فيه نسخة ثانية نرجّع منها. وإذا لعبت مرة ثانية بعدين، بتبدأ من الصفر كأنك لاعب جديد.

مسح التطبيق مو حذف للحساب

إذا شلت التطبيق بس، حسابك يبقى عندنا على السيرفر. الحذف يبي رسالة منك.

شنو ما نقدر نمسحه

سجل الشراء عند آبل يبقى عند آبل — احنا ما نملك سجلاتهم ولا نقدر نمسحها. شوف إعدادات حسابك عند آبل إذا تبي تشوف مشترياتك.

سؤال قبل لا تمسح؟

إذا مشكلتك شي نقدر نصلحه، خبّرنا قبل — صفحة الدعم فيها أكثر شي يواجه اللاعبين. وشوف سياسة الخصوصية عشان تعرف شنو نجمع أصلاً.